Kampuni ya India ya akili bandia Sarvam AI ilitangaza katika mkutano wa kwanza wa Sarvam Epoch ulioanza Alhamisi hii kwa saa za eneo hilo kwamba itatengeneza modeli ya akili bandia yenye takriban vigezo trilioni.
Sarvam AI ilisema modeli yake ya sasa ya 105B inafanya vizuri katika nyanja nyingi, huku modeli yake ya sauti ikitoa uwiano wa utendaji na gharama ulio bora zaidi kwa kiasi kikubwa kuliko washindani wa kimataifa.
Kampuni hiyo inatengeneza modeli ya kiwango cha trilioni kwa sababu inaamini kwamba “India inapaswa kutengeneza Tokeni (vipashio) inazotumia yenyewe”, na kwamba India inapaswa kuepuka “kulipa mara mbili” kwa makampuni ya kigeni ya akili bandia—kwa pesa na data. Modeli hii mpya inayopangwa inatarajiwa kukamilika ndani ya miezi sita ijayo, na kushindana na modeli zinazoongoza katika programu, usalama wa mtandao, utafiti wa kisayansi na nyanja nyingine.
Sarvam AI ilitangaza jana kwamba itafungua ofisi nchini Marekani ili kuwavutia wataalamu wa akili bandia wenye asili ya India walioko huko kurudi nchini. Pia ilizindua bidhaa mbili za modeli, ambazo ni modeli ya kubadilisha maandishi kuwa sauti ya Bulbul V4 na modeli ya utambuzi wa sauti ya Saaras V4 Multi-speaker.