20-avgust kuni ertalabki xabarga ko‘ra, 2026-yilgi Jahon robototexnika konferensiyasi (WRC 2026) doirasida Unitree Technology asoschisi va raisi mavzuli ma’ruza qildi. Van Sinsin tadbirda nima sababdan kompaniya mahsulotlari zavodlar, uylar va boshqa sharoitlarda keng miqyosda joriy etilmaganiga javob berdi: “Asosiy sabab shundaki, hozircha umumiy samaradorlik va imkoniyatlar yetarli emas. Sodda qilib aytganda, robotlarimiz hozir ayrim ishlarni bajara olsa-da, ularning samaradorligi insonnikiga nisbatan pastroq”.
Bundan tashqari, u hozirda gumanoid robotlar yangi vazifaga duch kelganda qayta o‘qitilishi kerakligini, bu esa samaradorlikning nisbatan past bo‘lishiga olib kelishini aytdi: “Shuning uchun biz texnologiyani yanada universallashtirishni, imkoniyatlarni yanada aniqroq qilishni, shundan keyingina muayyan sharoitlarda keng miqyosda joriy etishni istaymiz”.