OpenAI ChatGPT ish stoli ilovasining Linux uchun preview versiyasi chiqarilganini e’lon qildi. Qo‘llab-quvvatlanadigan Linux tizimlarida ChatGPT, ChatGPT Work va Codex’dan bevosita foydalanish mumkin.
Rasmiy saytda x64 va arm64 arxitekturalari uchun .deb va .rpm o‘rnatish paketlari taqdim etilgan. Qo‘llab-quvvatlanadigan Linux distributivlari:
Ubuntu 24.04 LTS va 26.04 LTS
Debian 13
Fedora 43 va 44
Shu yil iyul oyida OpenAI Codex va ChatGPT’ni birlashtirgan yangi ish stoli ilovasini chiqarganini e’lon qildi. Ish stoli versiyasidagi Codex yangilangach, yangi ChatGPT ish stoli ilovasiga aylandi. U Chat (suhbat), ChatGPT Work (ish) va Codex qismlaridan iborat. Yangilangan ilova mavjud Codex vazifalari va loyihalarini saqlab qoladi, shuningdek, sozlamalarda Codex ilovasi ikonkasini tanlash mumkin.