OpenAI Codex muhandislik bo‘limi rahbari Tibo Sottiaux (Thibault Sottiaux) Google DeepMind sun’iy intellekt laboratoriyasida olti yil ishlagan, sun’iy intellekt infratuzilmasi, mashinaviy o‘qitish muhandisligi kabi loyihalarni tadqiq qilgan.
Bugun Tibo X platformasida DeepMind ChatGPT chiqishidan bir yil oldin shunga o‘xshash mahsulot yaratganini ma’lum qildi. O‘sha paytda uning nomi LMChat bo‘lgan, keyinchalik ichki kod nomi bir necha bor o‘zgartirilgan.
Ammo oxir-oqibat bu mahsulot chiqarilmadi. Bunga kompaniya mahsulot Google qidiruvi bilan raqobatlashishi mumkinligidan xavotirlangani sabab bo‘lgan, shuning uchun u doimo yashirib kelingan. Bundan tashqari, Google’da DeepMind’ga “Google’ning mavjud biznesini izdan chiqarishi mumkin bo‘lgan” mahsulotlarni chiqarishni taqiqlovchi qoida ham mavjud.
Google xodimi Jeff Dean Google ChatGPT chiqishidan oldin chatbot ustida ishlaganini, ammo kompaniya ichida ushbu mahsulot Google qidiruvidan yaxshiroq emas, degan xulosaga kelingani sababli uni ishga tushirmaganliklarini aytgan.