Google bosh direktori Sundar Pichai Gemini ilovasining oylik faol foydalanuvchilari 1 milliardga yetganini e’lon qildi. Bu Google tarixidagi eng tez o‘sayotgan mahsulot, shuningdek kompaniyaning milliard foydalanuvchi marrasidan oshgan 14-mahsulotidir.
Joriy yilning iyun oyida Google Gemini ilovasining oylik faol foydalanuvchilari soni 900 milliondan oshganini e’lon qilgan edi. O‘sha paytda kompaniyada foydalanuvchilari 1 milliarddan oshgan 13 ta mahsulot mavjud bo‘lib, ular qatoriga foydalanuvchilari 3 milliarddan ortiq bo‘lgan 5 ta mahsulot ham kiradi (Google Qidiruvi, Gmail, Android tizimi, Chrome brauzeri, YouTube).
