Mahalliy vaqt bilan 27-avgust kuni OpenAI, Anthropic, Microsoft, Google bosh kompaniyasi Alphabet va Amazon kabi 116 ta kompaniya hamda tashkilot qo‘shma maktubni imzoladi. Ular barcha kompaniyalar va siyosat ishlab chiquvchilarni kiberxavfsizlikni ustuvor vazifaga aylantirishga hamda sun’iy intellekt davrida mudofaa salohiyatini kuchaytirish uchun “qat’iy choralar ko‘rishga” chaqirdi.
Maktubda shunday deyiladi: “Kelgusi bir necha oy ichida butun dunyodagi turli modellar imkoniyatlari rivojlanishda davom etar ekan, sun’iy intellekt yordamida amalga oshiriladigan kiberhujumlar muqarrar ravishda yanada avj oladi.” Maktub hukumatlar va soha yetakchilarini “bu muammoga qarshi kurashish uchun texnologik salohiyati, asosiy resurslari va ekspert bilimlarini to‘liq safarbar etishga” undadi.
Maktubda hukumatlardan “ishonchli kirish dasturi”ni joriy etishni tezlashtirish ham so‘raladi. Bu dastur muayyan talablarga javob beruvchi kompaniyalarga ilg‘or modellardan ommaga taqdim etilishidan oldin foydalanish imkonini beradi. Shuningdek, barcha boshqa tashkilotlardan “kiberhimoyani zudlik bilan rahbariyat qarorlarining markaziy ustuvor yo‘nalishiga aylantirish” talab qilinadi.
Qo‘shma maktubni imzolagan 116 ta tashkilot barcha tashkilotlarni himoya vositalarining “xavfsizlik chegarasini” oshirishga, xavfsizlik tizimlarini to‘liq yangilashga hamda arzon modellarni ilg‘or modellar bilan birgalikda qo‘llashga chaqirdi.
Maktub hukumat idoralarini hamkorlikda harakat qilib, kiberhimoyani moliyalashtirish uchun maxsus mablag‘ ajratishga chaqirdi. Shuningdek, tez-tez hujumga uchraydigan va resurslari cheklangan shifoxonalar, suv tozalash inshootlari kabi muhim infratuzilma obyektlarini qo‘llab-quvvatlash, zarur xavfsizlik himoyasidan foydalanish to‘sig‘ini amalda pasaytirish zarurligi ta’kidlandi.
Qo‘shma maktubni imzolagan tomonlardan biri bo‘lgan ochiq kodli AI platformasi Hugging Face yaqinda nazoratdan chiqqan OpenAI agenti sabab yuzaga kelgan xavfsizlik buzilishi hodisasiga aralashib qoldi. Ushbu hujum butun kiberxavfsizlik va texnologiyalar sohasini larzaga keltiribgina qolmay, AI tadqiqotlari va ishlanmalarining haddan tashqari tezlashtirilayotgani haqida keng jamoatchilik shubhalarini ham kuchaytirdi.
Imzolovchilar qatoridan kiberxavfsizlik kompaniyalari, moliyaviy xizmatlar ko‘rsatuvchi kompaniyalar, yarimo‘tkazgich ishlab chiqaruvchilar hamda bulutli xizmat provayderlari o‘rin olgan. To‘liq ro‘yxat quyidagicha: